برشا ناس احبوا يمشيو للعمرة اما خايفين من حكاية الرسوم متاع الـ 2000 ريال سعودي و قيمتهم بالدينار التونسي تقريبا 1450 دينار حسب سعر الصرف نهار الحجز …
شكونم المطالبين بدفعان الـ2000 ريال؟
الناس اللي تحب تمشي للعمرة السنا و هي مشات قبل للعمرة لازم يعرف انو مطالب باش يدفع الـ2000 ريال اذا احب اعاود العمرة مرة اخرى في ضرف 3 سنوات حسب القانون السعودي. بطريقة اسهل يعني اذا مشيت السنا للعمرة لاول مرة في حياتك فانت ماكش باش تدفع الرسوم اما اذا تحب تعاود فلازمك تدفع.
و السعودية دولة تخدم بالتقويم الهجري موش كيما تونس تخدم بالميلادي يعني الاعوام الثلاثة اللي شنحسبوهم لازم اكونو بالعام الهجري و الحساب يبدا من عام 1438هجرية … و هكة اذا انت مشيت للعمرة عام 1438هجرية و تحب تعاود السنا 1439 هجرية فلازمك تدفع الرسوم اما اذا مشيت عام 1437هجرية فانت غير مطلوب و عبارة ماشي لاول مرة في حياتك و ماتدفع كان حق برنامج العمرة.
و لازم الناس تعرف انو فما برشا سمسارة المدو في الباسبورات و اقولو راهو الرسوم تلغات و هذا تحيل باش افكو الجوازات و العربون و اخليو الناس تمشي معاهم بالسيف قال شنوة العربون اموت عليك اذا ماتمشيش …
و الله لايحرم مؤمن من زيارة سيدنا صلى الله عليه و سلم و بيته الحرام